વાલોડના બાજીપુરા ગામની સીમમાં વૃક્ષ પર વીજળી ત્રાટકી

તાપી જિલ્લામાં છેલ્લા બે દિવસથી સતત વરસાદી મેઘમહેર યથાવત્ રહી હતી.પંથકમાં ગાજવીજ સાથે વરસાદ વરસ્યો છે, તો ક્યાંક વીજળી પડવાના બનાવ પણ બનવા પામ્યા હતા.

આવી જ એક ઘટના તા.૨૭મી નારોજ સાંજે ૪ કલાકની આસપાસ વાલોડ તાલુકાના બાજીપુરા ગામની સીમમાં આવેલ રહેણાંક વિસ્તાર રુસ્તમજી પાર્કમાં વૃક્ષ પર વીજળી પડી હતી. જેથી આ વૃક્ષ આખું ચિરાઈ ગયું હતું.જેના લીધે આસપાસના લોકોમાં ભયનો માહોલ છવાયો હતો. સ્થાનિકોના જણાવ્યા અનુસાર આ વૃક્ષ પર વિજળી પાડવાની ઘટનામાં સદનસીબે જાનહાનિ કોઈ પહોંચી નથી.

Author: Tapi Update