નિઝર-વ્યાવલ સ્ટેટ હાઇવે પર હરદુલી ગામની સીમમાં રવિવારે સાંજે એક ગમખ્વાર અકસ્માત સર્જાયો હતો. બ્રિજ પર ચાલી રહેલા કામકાજને કારણે અપાયેલા ડાયવર્ઝન પર મોટર સાયકલ સ્લિપ થઈ જતાં સજ્જીપુર ગામના ૩૪ વર્ષીય યુવકનું માથામાં ગંભીર ઈજા થવાને કારણે મોત નીપજ્યું છે.
મળતી માહિતી મુજબ, સજ્જીપુર ગામનો રહેવાસી વિનોદભાઇ દંગલભાઇ પાડવી (ઉ.વ. ૩૪) રવિવારે સાંજે આશરે ૭:૦૦ વાગ્યાના સુમારે પોતાની સ્પ્લેન્ડર મોટર સાયકલ (નંબર જીજે/26/એજે/૪૭૧૦ ) પર વાંકા ગામથી નિઝર તરફ જઈ રહ્યો હતો. હરદુલી ગામની સીમમાં જ્યાં પુલનું નવું બાંધકામ ચાલતું હતું, ત્યાં ડાયવર્ઝન પાસે મુકાયેલા બેરીકેટ અને માટીના ઢગલા પરથી બાઈક પસાર થતા વિનોદભાઇએ સ્ટેરીંગ પરનો કાબુ ગુમાવ્યો હતો.અકસ્માત એટલો ગંભીર હતો કે વિનોદભાઇ રોડ પર પટકાતા તેમને માથાના ભાગે અને નાક-કાનમાંથી લોહી નીકળવા માંડ્યું હતું. રાહદારીઓએ તુરંત ૧૦૮ એમ્બ્યુલન્સને જાણ કરી તેમને નિઝર સરકારી હોસ્પિટલ ખસેડ્યા હતા, જ્યાં ફરજ પરના ડોક્ટરે તેમને મૃત જાહેર કર્યા હતા.આ અંગે મૃતકના કાકા મંગલભાઇ પાડવીએ નિઝર પોલીસ મથકે ફરિયાદ નોંધાવી છે.
Users Today : 1
Users Last 30 days : 1226
Total Users : 13230