બારડોલીના અલ્લુ ગામના યુવકના ક્રેડિટ કાર્ડમાંથી કોઈ અજાણ્યા ભેજાબાજે ૬૮ હજાર ઉપાડી લીધા હોવાનો બનાવ પ્રકાશમાં આવ્યો છે. મળતી માહિતી પ્રમાણે બારડોલી તાલુકાના અલ્લુ ગામે કપુરા ફળિયામાં રહેતા ગૌરાંગકુમાર અનિલભાઈ પટેલના ક્રેડિટ કાર્ડમાં કેસ લીમીટ વધારવા માટે ગઈ તા.૧૧/૧૧/૨૦૨૫ના રોજ અજાણ્યા મોબાઈલ નંબર વાળા ઈસમે લિંક મોકલી હતી. જેમાં ગૌરાંગ પટેલ પાસે ક્રેડિટ કાર્ડની માહિતી ભરાવી તેમના ક્રેડિટ કાર્ડમાંથી ૬૮,૫૨૦/- રૂપિયા બારોબાર ઉપાડી લઈ છેતરપિંડી કરી હતી. છેતરપિંડી કરનારા અજાણ્યા ભેજાબાજ ઈસમે ગૌરાંગ પટેલના એકાઉન્ટમાં નાણા પરત નહી જમા કરતા અજાણ્યા ઈસમ વિરૂદ્ધ જે મોબાઈલ નંબરથી છેતરપિંડી થઈ છે તેની સામે બારડોલી ગામ્ય પોલીસે ગુનો દાખલ કરી તપાસ હાથ ધરવામાં આવી છે.
Users Today : 23
Users Last 30 days : 775
Total Users : 11243