વાલોડના કલમકુઇ થઇ વ્યારા તરફ આવતા રોડ પર સામેથી ટક્કર મારી ઈજા પહોંચાડનાર મોટર સાયકલના ચાલકે સમાધાન કર્યા બાદ વાતોથી ફરી જતા તેની વિરુધ્ધ કાકરાપાર પોલીસ સ્ટેશનમાં ફરિયાદ નોંધવામાં આવી છે.
મળતી વિગતો વાલોડ તાલુકાના કલમકુઈ ગામના દાદરી ફળીયામાં રહેતા વિજયભાઈ ગમનભાઈ ચૌધરી ગઇ તા.૧૧/૧૧/૨૦૨૫ ના રોજ સવારના આશરે સાડા નવેક વાગેના સુમારે કુટુંબી વહુ હેમુબેન અરવિંદભાઈ ચૌધરી નાઓનુ લોટરવા ગામ બાવળી ફળીયામા ખેતર આવેલ હોય જેથી ડાંગર કાપવા સારૂ હીરો હોન્ડા સ્પ્લેન્ડર મોટર સાયકલ નંબર જીજે/૦૫/ઈએન/૮૩૦ લઈને ખેતરે જવા સારૂ નિકળેલ હતા અને પાછળ અરવિંદભાઇ તથા બીજા મજુરો અલગ મોટર સાયકલ પર આવતા હતા તે વખતે લોટરવા ગામે બાવળી ફળીયામા કલમકુઇ-વ્યારા રોડ ઉપર સામેથી આવતી એક ભુરા કલરની મોટર સાયકલના ચાલકે પોતાના કબ્જાની મોટર સાયકલ પુર ઝડપે અને ગફલત ભરી રીતે હંકારી આવી અથડાવી દેતા વિજયભાઈ ચૌધરી મોટર સાયકલ લઈને પડી ગયા હતા અને ભુરા કલરની મોટર સાયલક નંબર જીજે/૦૬/એનએચ/૪૨૬૬ના ચાલકને તેની મોટર સાયકલ પર કાબુ ન રહેતા તે થોડી દુર જઈને રસ્તાની સાઇડમા પડ્યો હતો.
આ અકસ્માતમાં વિજયભાઈ ચૌધરીને ડાબા હાથે પંજા ઉપર તથા ડાબા પગે આંગળીઓ પર મુઢ ઇજા પહોંચી હતી જયારે તેમની વહુ- હેમુબેન અરવિંદભાઈ ચૌધરી ને ડાબા પગે નળાના ભાગે તથા જમણા પગે તથા ડાબા ખભે ઇજા થયેલ હતી.સામેથી ટક્કર મારનાર મોટર સાયકલનો ચાલક ગામનો નિકુંજભાઈ ઈશ્વરભાઈ ચૌધરી રહે.કલમકુઇ ગામ, ઓગણીસ આંબા ફળીયા તા.વાલોડ નાને પણ ઓછી વત્તી ઇજા પહોંચી હતી.ઈજાગ્રસ્તોને ૧૦૮ની મદદથી વ્યારા સરકારી હોસ્પિટલમાં ખાતે લઇ જવામાં આવ્યા હતા. વિજયભાઈ ચૌધરીના જણાવ્યા અનુસાર સામેથી ટક્કર મારી અકસ્માત કરનાર અને તેઓ એકજ ગામના હોય સમાધાની વાત ચાલતી હતી. પરંતુ અમારા ગામની પંચાયતમા ભેગા થતા અમારે સમાધાન ન થતા તા.૧૩મી નારોજ કાકરાપાર પોલીસ મથકે ફરિયાદ આપી હતી જેમની ફરિયાદના આધારે બનાવ દાખલ પોલીસ દ્વારા નિયમોનુસારની કાર્યવાહી હાથ ધરવામાં આવી છે.
Users Today : 23
Users Last 30 days : 775
Total Users : 11243